Թուրքիան պետք է ճանաչի

Զարմանալիորեն հայերին հետաքրքրում է միայն այն, որ Թուրքիան ճանաչի հայոց ցեղասպանությունը, եղեռնը։ Սակայն ներկայումս կան իրավական կենսական խնդիրներ, որոնք ևս լուծում են պահանջում, որոնց մասին, սակայն, թուրքական իշխանություններին ոչ ոք չի հիշեցնում։

Օրինակ Կոստանդնուպոլսի հայոց պատրիարքի ընտրությանը թուրքական իշխանությունները վերաբերում են այնպես, ինչպես վաղ սովետմիությունը Էջմիածնի կաթողիկոսական ընտրություններին: Թուրքիայում աշխարասփյուռ հայերին թույլատրում են պատրիարք ունենալ միայն թուրքիայում ծնված հայերից՝ սահմանափակելով հայոց եկեղեցու իրավունքը իր իսկ խնդիրների լուծման հարցում, ինչպես նաև խախտելով դարավոր եկեղեցու կանոնագիտական սկզբունքները։ Եվ մենք, հատկապես Հայ եկեղեցին լռում է այս և հազարավոր եկեղեցիների ու վանքերի բռնաբարված իրավունքի հարցում: Շարունակել կարդալ Թուրքիան պետք է ճանաչի

Հասարակական պոռթկում

Սոցիալական բևեռվածությունը հասարակական անկայունություն է ծնում, որը իր հերթին վերաճում է քաղաքական հակամարտության: Առաջացած բևեռվածությունը չմեղմելու դեպքում տեղի է ունենում հասարակական պոռթկում` տարատեսակ անկանխատեսելի հետևանքներով:

Եգիպտոսի հեղափոխության դասը

Ի՞նչ ցույց տվեց Եգիպտոսում տեղի ունեցած հեղափոխությունը.

1. Եթե իշխանափոխություն եք ցանկանում, որ տեղի ունենա, ապա պետք է վստահ լինեք, որ ժողովուրդը ձեզ հետ է, որ նպատակի շուրջ բազմակարծությունը բացառված է:

2. Հեղափոխությունը կենաց-մահու խնդիր է, կենաց-մահու պայքար է, այն միայն ցույցերով չի լինում և պետք է պատրաստ լինել արյունահեղության: Այն պայքար է մինչ ի մահ:

Եթե պատրաստ չես զոհվելու, ուրեմն չես կարող իշխանափոխություն իրականացնել:

Կոմպրոմատ

Կոմպրոմատի կիրառությունը հատուկ է քաղաքական իշխանություններին, և այն բանեցնող/օգտագործող մարդիկ «հանուն նպատակի» ունեցած միջոցների մեջ խտրականություն չդնելով կիրառում են այն։

Կոմպրոմատը զենք է. կատարելագործված փամփուշտ, սանձ, որով կարելի է նաև մարդ սպանել։ Մարդկությունը զարգացում է ապրել, ակնհայտ է, այո, սառը զենքից անցել ենք հրազենին, հիմա էլ սանձել չկարողանալու դեպքում կիրառում են այդ անձայն ու ֆիզիկապես արտաքինից չվնասող միջոցները։

Այն հարուստների ու քաղաքական գործիչների զենքն է, իսկ հասարակ մարդիկ, քանի որ կոմպրոմատների չեն տիրապետում, կիրառում են սպասեցնելու, ձգձգելու և այլ ճղճիմ մեթոդներ։

Կոմպրոմատներով առաջնորդվող կամ կոմպրոմատներով հարցեր լուծող մարդիկ վտանգավոր են, նենգ, դարանակալ գիշատիչ, թիկունքից հարվածող, շահասեր ու եսակենտրոն։

Այդպիսիներին հիշաչար կամ լավ հիշողություն ունեցող կոչելը կարող է հաճոյախոսություն համարվել։

Այո, երբեմն վատ հիշողություն ունենալը կարող է դրական համարվել։

a1+

Եթերից զրկեցին ներկայումս օրական 10.000-ից ավել լսարանի համար եթեր հեռարձակող ընկերությանը։ Սա նշանակում է, որ a1+ի լսարանը մեծանալու է։

Կեղծիքի համար կարելի էր տույժեր կիրառել, բայց…

Մամուլը հնարավոր չէ լռեցնել, մամուլի հետ պետք է աշխատել։

Մարդու բերանը չի կարելի փակել, որովհետև նա կսկսի ավելի շատ խոսել։

Խոսքի և տեղեկատվության ազատությունը աշխարհում

Շվեյցարական PostFinance փոստի դուստր ձեռնարկությունը փակել է WikiLeaks կայքի հիմնադիր Ջուլիան Ասանջի հաշիվը:
Նշենք, որ ավելի վաղ WikiLeaks-ի սպասարկումը դադարեցրել էին Amazon.com, Paypal, and EveryDNS վճարային համակարգերը: PayPal-ի ներկայացուցիչները հայտարարել են, որ նման քայլի են գնացել, երբ ԱՄՆ իշխանությունները կայքի գործունեությունը համարել են անօրինական:

(http://news.am/arm/news/40679.html)

Աշխարհը դեռ շատ հեռու է՝ հասկանալու համար խոսքի և տեղեկատվության ազատության արժեքը։

… Ու դեռ շատ կշարունակվի ոտնահարվել Աստուծո կողմից մարդու մեջ դրված բնական իր իրավունքը։

Մարդուն ազատ արտահայտվելուց, տեղեկանալուց, այսինքն՝ խաբնված չլինելուց, ու խոսքից զրկելը դեմ է Աստուծո կամքին, որ բնականից արտահայտված է մարդու բնության մեջ ու կոչվում է բնական աստվածային իրավունք։

Ամեն ինչ չէ, որ պատմություն է

Հայերը պատմություն շատ են սիրում, այնպես որ չեն նեղվում, երբ իրենց ներկան, ներկա խնդիրները որպես պատմություն են տեսնում/ներկայացնում։

Հայերը երբեմն շատ վստահ են լինում իրենց ուժերի վրա ու հանձն են առնում թուրքերի հետ բանավիճել պատմական հարցերի շուրջ՝ մոռանալով թուրքական խորամանկության չափերը։

Օրինակ, երբ թուրքերը Ցեղասպանության հարցը ցանկանու են դիտարկել որպես պատմաբանների հարց, երկու խնդիր են լուծում.

1. Հայոց հարցը՝ Ցեղասպանությունը պատմական են դարձնում, որով այն այլևս արդիական չէ,

2. Կասկածի տակ են առնում Ցեղասպանության փաստը։

Թանկագին մասնագետնե՛ր, թուրքական դիվանագիտությունը կարող է վիճարկելի թեմաների շուրջ տասնյակ տարիներով բանակցել, բավական է խնդիրը ներառել այդ վիճարկելիի սահմաններից ներս, ուստի երբեք չի կարելի թուրքերի հետ քննարկել պատմագիտական հարցերը, որովհետև նրանք խաղում են պատմության հետ։ Որևէ պատմաբան պետք չէ նրանց կոնֆերանսներին ու բանավեճերին մասնակցի, որովհետև դա ընդամենը խայծ է։

Հայատառ դոմենային գոտի

Բաց գրանցման մեկնարկի առաջին իսկ օրը ռուսական ազգային .РФ գոտում գրանցված դոմենների ընդհանուր քանակը գերազանցել է բոլոր սպասումները: Միայն 12 ժամվա ընթացքում գրանցվել է 207 հազար 648 նոր դոմենային անուն:
Հիշեցնենք, որ ICANN միջազգային կազմակերպությունը պաշտոնապես հայտարարել էր ոչ լատինատառ դոմենների գործարկման մեկնարկի մասին անցյալ տարվա հոկտեմբերին: Առաջին պետությունները, որոնք ստացան հնարավորություն ունենալ այսպես կոչված «ազգային» դոմեններ, դրանք Եգիպտոսը, Սաուդյան Արաբիան և Միացյալ Արաբական Էմիրություններն էին: Այսօր արդեն ոչ լատինատառ դոմեններ հասանելի են նաև Հորդանանում, Քաթարում, Թաիլանդում, Շրի Լանկայում, Հոնգ Կոնգում, Պաղեստինում և մի շարք այլ երկրներում: Առաջին մակարդակի .рф կիրիլիկ դոմենը ICANN-ը թողարկել էր ապրիլին: Ինչ վերաբերում է Հայաստանին և այն հարցին, թե արդյոք մեզ անհրաժեշտ է ունենալ .ԱՄ, .ՀՀ կամ, ինչու ոչ, .ՀԱՅ դոմենային գոտի, եկեք համաձայնենք, որ մեզ .am դոմենների սպառում չի սպառնում և այն մեզ դեռևս բավարարում է:
armtech.am

Բնականաբար, եթե ռուսները մտահոգված են ինտերնետը ռուսականացնելու խնդրով (նկատի ունենանք, որ .ru գոտու դոմենները չէին սպառվել), ապա իրենց մոտ նման ակտիվությունը բնական է, իսկ հայկական գոտու մեռելային հանգստությունը պայմանավորված է հայերենի հանդեպ 100 տոկոսանոց անտարբերությամբ։

Դե մենք վաղուց ենք մոռացել, որ մայրենի լեզուն ազգային, մշակութային ինքնագիտակցության գրավականն է։ Մեզ համար հայերենը գրադարաններում փտող գրքերի մեջ է միայն։ Մեր լեզուն մենք ինքներս փորձում ենք պատմություն դարձնել։

Եթե Եգիպտոսը, Սաուդյան Արաբիան և Միացյալ Արաբական Էմիրությունները վաղուց արդեն փորձ են կատարել հրաժարվել լատինատառ դոմենային գոտուց, ուրեմն ճիշտ կլինի, որ Հայաստանի Հանրապետությունը լրջագույնս մտածի այս ուղղությամբ։

Սա ազգային ինքնագիտակցության, մշակույթի ու քաղաքականության հարց է։

Հայաստանի Արտաքին գործերի նախարարություն

Հայաստանի Արտաքին գործերի նախարարության սայթն էի այսօր նայում։

Հայերեն մտածող մարդի՛կ, եթե կարողանաք սայթի հասցեն կռահել, ապա կարելի է ձեզ պարգևատրել։

Ինչևէ, ահա այն՝ mfa.am, «մաֆիա» բառը եթե հիշեք, գուցե հետո կարողանաք տառերի որոշակի տեղափոխությամբ հիշել։

Ձևավորում, կարելի է ասել, սայթը չունի։

Առաջինը բացում է անգլերեն, որովհետև հայերին այն պետք չէ, իսկ եթե փորձեք հայերենի փոխել, ապա կուբիկ–ռուբիկների կհանդիպեք։

Ամենից զավեշտալին. Շարունակել կարդալ Հայաստանի Արտաքին գործերի նախարարություն