Զարմանալի մարդիկ կան այս աշխարհում։ Իշխանությունը սիրելուց, ունենալուց զատ ցանկանում են նաև լավ, մեծ աթոռ ունենալ, որ բոլորն իրենց աթոռը տեսնեն։
Կարևոր չէ, որ իրենք կարող է չերևան այդ աթոռի մեջ։ Կարևորը աթոռն է, որ մարդիկ տեսնեն, թե ինչքան մեծ, հզոր և ուժեղ է իրենց աթոռը։
Մի՞թե կարելի է իշխանությունը այդ աստիճան շոշափելիորեն սիրել։
Այս Հռչակագրի դրույթները պետք է յուրաքանչյուրս քաջ գիտենա և իր մոտ ունենա։
ՀԱՅԱՍՏԱՆԻ ԱՆԿԱԽՈՒԹՅԱՆ ՄԱՍԻՆ
Հայկական ԽՍՀ Գերագույն խորհուրդը` արտահայտելով Հայաստանի ժողովրդի միասնական կամքը, գիտակցելով իր պատասխանատվությունը հայ ժողովրդի ճակատագրի առջեւ Շարունակել կարդալ Հռչակագիր
Նույնիսկ Հայոց լեզվի ուսուցիչներ կան, ովքեր կողմ են օտարալեզու դպրոցներին։ Ո՛չ միայն կողմ են, այլև պատրաստ են իրենց զավակներին օտարալեզու դպրոց ուղարկել՝ գիտակցելով մեր լեզվի արժեքը, ավելին, մյուսների զավակներին ուսուցանելով հայերենի արժեքը։
Երևի թե այդ ուսուցիչներն են մեր զավակներին ներկայացնում մեծերի խոսքերը.
Մեր հազարամյա անցյալի այն երկար ճանապարհին, որի վրա փռված են մեր անհուն տառապանքները, ո՛չ բանակներ ունեինք մեր պաշտպանության համար, ո՛չ ուժ, ո՛չ հնրավորություն, ո՛չ էլ դրսի օգնություն, այլ մի հատիկ բան միայն` մեսրոպատառ գիրը:
ԼեոՇարունակել կարդալ Օտարալեզու դպրոցները Հայաստանում
Մեր հասարակությունում կան մարդիկ (ինչպես օր. Հրանուշ Խառատյանը և այլք), որ որոշ ազգային խնդիրներ «կրոնական» համարելով փորձում են եկեղեցուն առնչվող հարցերը մեկուսացնել ազգային գիտակցությունից։ Այդտեսակ մարդիկ այսպես վարվեցին նաև Աղթամարի Սուրբ Խաչ եկեղեցու հարցում։
Թուրքիան իր քաղաքական ամենաբարձր վերնախավով, ընդհուպ միջազգային ատյաններում բարձրաձայնեց հայերի և Հայ եկեղեցու հանդեպ դրսևորած իր մեծահոգության մասին, իսկ դուք դա կարող եք, բնականաբար, զուտ կրոնական խնդիր համարել։
Կան ներկրոնական խնդիրներ, որոնք ազգային դիմագծին են առնչվում։
Վարագա Սուրբ Խաչի տոնի բարեկենդանին Աղթամարի Սուրբ Խաչ եկեղեցում «թուրքերի թույլտվությամբ» Պատարագ պիտի մատուցվի։
Մի հարցնող լինի այդ թուլտվողներին՝ իսկ ո՞ւր է Վարագա վանքը։
Հայոց ցեղասպանության թանգարան-ինստիտուտը հայտնում է, որ սեպտեմբերի 19-ին, ժամը 12-ին Ցեղասպանության զոհերի հուշահամալիրի մոտ կմատուցվի պատարագ եւ կկայանա բողոքի հանրահավաք՝ ընդդեմ Վանի Աղթամար կղզու Սուրբ Խաչ տաճարի շուրջ թուրքական կառավարության կողմից ձեռնարկվող քարոզչական գործողությունների:
Հիշեցնենք, որ այդ օրը Աղթամարի Սուրբ Խաչ եկեղեցում առաջին անգամ պատարագ է մատուցվելու, սակայն թուրքական իշխանությունները հայտարարել են, որ չեն հասցնի մինչ այդ օրը եկեղեցու գմբեթին խաչ տեղադրել: Խաչն արդեն տեղափոխվել է կղզի եւ կդրվի եկեղեցու մոտ:
Այսպես էր գրված News.am–ում։ Հեռուստատեսությամբ էլ այս մասին ասացին։
Թանկագին հայեր, եթե դուք քրիստոնյա եք, մի՛ քաղաքականացրեք Ս. Պատարագը։ Այն «ակցիայի» մի վերածեք, որովհետև այդ ընթացքում այլ Խորհուրդ է տեղի ունենում։ Ս. Պատարագի նման շահարկումը, քաղաքական դիտավորությամբ այն մատուցելը հարիր չէ մեր հավատին։
Իսկ եթե կան մարդիկ, ովքեր չեն հասկանում այդ Սրբազան Խորհուրդը, կառաջարկեի կարդալ Հաղորդության Խորհրդի մասին։
Վստահ եմ յուրաքանչյուր մարդ իր վերլուծությունն է կատարում իր ապրած օրվա առնչությամբ:
Ապրված ժամերն անհրաժեշտ է և պարտավոր են բառեր ու նախադասություններ դառնան:
Եղեռնի, 1915 թվականին թուրքերի կողմից իրականացված ցեղասպանության հիմքում կրոնական հալածանք կար ընկած։
Սա շատ պարզ է։ Պատմությունը վաղուց ցույց է տվել, որ շատ հայեր կրոնափոխ լինելով են փրկվել։ Եթե հայերը քրիստոնյա չլինեին, կամ իսլամ դավանեին, գուցե ցեղասպանություն չգործվեր։
Մտածենք նրանց մասին, ովքեր նահատակվեցին, սակայն չցանկացան կրոնափոխ լինել։ Թուրքերը բնաջնջում էին ո՛չ միայն հայերին, այլ նաև քրիստոնյաներին։
Ինչքա՜ն ուժեղ պիտի լինի ազգը, որ նրա դեմ այսպիսի վճիռ կայացվի՝ բնաջնջել…
Իսլամի մեջ այդ երևույթը կա՝ տիրելուց հետո բնաջնջել։
Երբ Հայաստանի նախագահը սկսում էր «ֆուտբոլային» դիվանագիտությունը, շատերը հիացած էին, թե ինչ մեծ քայլ նա կատարեց։ Թուրքիան շատ ակտիվ պատասխանեց այդ քայլին, կարողացավ խնդիրը շեղել այնտեղ, որտեղ իրեն պետք է։ Սահմանի բացումը հայերի շահագրգռությունն էր, իսկ, ահա՛, թուրքերին ո՛չ թե սահմանները բացելն է հետաքրքրում, այլ՝ պահել, ուրիշ ձևակերպմամբ՝ թանգարանները։ Շարունակել կարդալ Ֆուտբո՞լ, թե՝ թանգարան, կամ՝ կիսալուսինը նայում է արևմուտք
Երևանի մթնոլորտային աղտոտվածության չափն այնքան բարձր է, որ մարդիկ շոշափելի օրինակներով զգում են օդի կեղտոտվածությունը, սակայն հաճախ չեն անդրադառնում, թե ինչ է տեղի ունենում իրենց առողջության հետ։
Քաղաքի մասնագետները պետք է լուրջ ուսումնասիրություններ կատարեն և մատնանշեն պատճառները։
Երևանը օդ չունի շնչելու…