Category: Մայրենի

«Այն, որ աշխատակազմի համար կազմակերպվում են օտար լեզվի դասընթացներ, իհարկե ողջունելի է, բայց եթե դրա իմացությունից վաղը պետք է կախված լինի աշխատողի աշխատանքից զրկվել-չզրկվելու խնդիրը, սա արդեն բացասական վերաբերմունքի է արժանի….եթե, իհարկե, դա համապատասխանում է իրականությանը», — Panorama.am-ի հետ զրույցում նշեց պատգամավորը:

http://www.panorama.am/am/society/2011/02/07/bakhshyan/

Սա երևի նրա համար է, որ ռուսերեն շնորհակալություն հայտնենք գազի գնի բարձրացման համար: Բայց եթե քաղաքապետարանը ռուսերենի խնդիր ունի, ուրեմն նաև քաղաքը այդ խնդիրն ունի… Զավեշտը մի կողմ, բայց իրոք նման իրավիճակը պարզապես զավեշտալի է:

Ժամանակին Խրիմյան Հայրիկը Ցարական Ռուսաստանին ենթակա Էջմիածնի Սուրբ Սինոդից գրավոր պահանջում էր, որ իրենց գրագրությունը հայերեն կատարեն: Այսօր մայրաքաղաքի պաշտոնյաներին իրենց իսկ հայ քաղաքապետը ընտրվելուց անմիջապես հետո առաջնահերթորեն ռուսերեն է սովորեցնում, երբ երկիրը ողողված է այդ լեզվով:

Այն ժամանակ, երբ շատերն անգամ հոգու խորքում չէին կարող փայփայել անկախ պետականություն ունենալու հույսը, նա բաց քարոզում էր այդ վեհ նպատակը: Նա ընդդիմացավ մի համակարգի, որը համարվում էր ահազդու և անխաթար: Աշոտ Նավասարդյանն ուներ երազանք և ուներ նպատակ. նպատակ, որն այսօր իրականություն է` Հայաստանի անկախ պետականության վերականգնումը:

(Աղբյուր` http://www.panorama.am/am/politics/2010/12/18/serzh-sargsyan-hhk-address4/)

«Պետականություն»–ը գաղափար է, այն մեր հոգում է, մեր սրտերում, մեր մտքում։ Այն գաղափար է, որը իրականություն է դառնում պետության կայացմամբ կամ անկախությամբ, հետևաբար գաղափարը (պետականությունը) ունենալու հույս չենք փայփայում, Հայաստանի անկախության գաղափարի (պետականության) վերականգնումը նպատակ չի եղել։ Նպատակը պետության անկախությունն ու վերականգնումն էր։

Պետության մասին հասկացողությունը դեռևս պետություն չէ։ Պետականությունը գաղափար է, պետությունը՝ այն մարմնավորողը։

Այս շփոթը շատ հաճախ է հանդիպում, սակայն պետք է ուշադիր լինել, որովհետև լեզվական մի փոքրիկ մասնիկը կարող է մարդկանց մեծ նպատակները փոփոխել։

Եթե Դուք «ՍթարՔարտատեր» (այսպես են իրենք գրում) եք, ապա Դուք պարբերաբար էլ. նամակներ եք ստանում իրենցից։ Օրինակ այսպիսի բովանդակությամբ.

Dear StarCardholder,From November 18 till December 1, 2010, new promotions entitled HOLIDAY RUSH are being held in Star supermarkets chain.
Also, special New Year Fair is organized for holiday products. Please look through the promo-paper where the assortment under the promotions is listed.
Wishing you enjoyable shopping!
____________________________________________________________________________________

Հարգելի ՍթարՔարտատեր,

2010թ-ի նոյեմբերի 18-ից դեկտեմբերի 1-ն ընկած ժամանակահատվածում ՍԹԱՐ սուպերմարկետների ցանցում գործում Է ՆԱԽԱՏՈՆԱԿԱՆ ԱՆՑՈՒԴԱՐՁ ակցիան և հատուկ Ամանորյա տոնավաճառ տոնական ապրանքատեսակնու համար: Առաջարկում ենք ծանոթանալ ակցիայում ընդգրկված ապրանքատեսականուն:
Ցանկանում ենք հաճելի գնումներ:

Best regards

STAR Supermarkets chain
Raffi str. 111, Yerevan, 0064, Armenia
Tel. +374 10 74 24 13; +374 10 74 24 15
Fax: +374 10 74 34 71
URL: www.star.am

Ձեզ ուղղված նամակը սկսվում է անգլերեն՝ անկախ այն բանից՝ Դուք անգլերեն գիտեք, թե ոչ։ Երևի օտար լեզուների իմացությունը պարտադիր է ո՛չ միայն գիտության զարգացման համար, այլ նաև սուպերմարկետներից գնումներ կատարելու համար։

Հասցեն, ինչպես ՀՀ Կառավարության էլ. նամակներում է, միայն անգլերեն է։ Անշուշտ, հասցեն մեզ պետք չէ իմանալ։

Այս խառնալեզու նամակում 1/3-ը հայերեն է։ Մխիթարվենք եղածով։

Դե ինչ, այսքանից հետո մնում է միայն ասել՝ «Best regards» Սթարին։

Եթե դուք երբևէ բաժանորդագրվել եք ՀՀ Կառավարության սայթի նորություններին, ապա ձեր էլ. փոստին ուղարկվող հայերեն նամակի վերջում այս մեջբերումն է.

URL: …

If you received this e-mail by mistake or want to unsubscribe from mailing list, click here.

---

Staff of Government of the Republic of Armenia,
Government House 1, Republic Square,
Yerevan 0010, Armenia

http://www.gov.am/

Disclaimer — This message may contain information that is not intended for you.
If you are not the addressee or if this message was sent to you by mistake,

you are requested to inform the sender and delete the message.

Դե, բնականաբար, դուք անգլերեն պետք է լավ իմանաք, չէ որ Կառավարությունից է այս նամակը։ Հասցե՞ն։ Դե, մենք՝ հայերս ՀՀ Կառավարության տեղը գիտենք, մեզ հասցեն պետք չէ մտահոգի։

Մնացածն ում հետաքրքրում է, թող հարցնի, կասենք, ինչո՞ւ պիտի մարդկանցից տեղեկատվությունը թաքցնենք։

Այսօր Հ2 հեռուստաալիքով լրագրողը խոսում էր իսլամադավանների Մեքքա այցելության մասին։ Ըստ լրագրողի այդ այցելության ընթացքում մարդիկ հաջի են «անում»։

Թանկագին լրագրողնե՛ր, հաջի չեն անում, այլ լեզուներից պետք չէ սխալ թարգմանել, հաջի դառնում են։

Մեզ մետ էլ վաղուց կա այդ երևույթը, թերևս իսլամական այդ սովորությունից վերցված, երբ այցելում ենք Տիրոջ քաղաք, Սուրբ քաղաք Երուսաղեմ ու անցնում տերունի տեղերով, հաջի ենք դառնում, բայց չենք «անում»։

Անձնապես չեմ ճանաչում։ Մեծ շախմատիստ է։

Այսօր մտա իր էջը Ֆեյսբուքում… հայերենի ոչ մի հետք։

Եթե մի բան այնտեղ հիշեցնում է, որ նա հայ է, դա իր անուն-ազգանունն է։

Բաց գրանցման մեկնարկի առաջին իսկ օրը ռուսական ազգային .РФ գոտում գրանցված դոմենների ընդհանուր քանակը գերազանցել է բոլոր սպասումները: Միայն 12 ժամվա ընթացքում գրանցվել է 207 հազար 648 նոր դոմենային անուն:

Հիշեցնենք, որ ICANN միջազգային կազմակերպությունը պաշտոնապես հայտարարել էր ոչ լատինատառ դոմենների գործարկման մեկնարկի մասին անցյալ տարվա հոկտեմբերին: Առաջին պետությունները, որոնք ստացան հնարավորություն ունենալ այսպես կոչված «ազգային» դոմեններ, դրանք Եգիպտոսը, Սաուդյան Արաբիան և Միացյալ Արաբական Էմիրություններն էին: Այսօր արդեն ոչ լատինատառ դոմեններ հասանելի են նաև Հորդանանում, Քաթարում, Թաիլանդում, Շրի Լանկայում, Հոնգ Կոնգում, Պաղեստինում և մի շարք այլ երկրներում: Առաջին մակարդակի .рф կիրիլիկ դոմենը ICANN-ը թողարկել էր ապրիլին: Ինչ վերաբերում է Հայաստանին և այն հարցին, թե արդյոք մեզ անհրաժեշտ է ունենալ .ԱՄ, .ՀՀ կամ, ինչու ոչ, .ՀԱՅ դոմենային գոտի, եկեք համաձայնենք, որ մեզ .am դոմենների սպառում չի սպառնում և այն մեզ դեռևս բավարարում է:

armtech.am

Բնականաբար, եթե ռուսները մտահոգված են ինտերնետը ռուսականացնելու խնդրով (նկատի ունենանք, որ .ru գոտու դոմենները չէին սպառվել), ապա իրենց մոտ նման ակտիվությունը բնական է, իսկ հայկական գոտու մեռելային հանգստությունը պայմանավորված է հայերենի հանդեպ 100 տոկոսանոց անտարբերությամբ։

Դե մենք վաղուց ենք մոռացել, որ մայրենի լեզուն ազգային, մշակութային ինքնագիտակցության գրավականն է։ Մեզ համար հայերենը գրադարաններում փտող գրքերի մեջ է միայն։ Մեր լեզուն մենք ինքներս փորձում ենք պատմություն դարձնել։

Եթե Եգիպտոսը, Սաուդյան Արաբիան և Միացյալ Արաբական Էմիրությունները վաղուց արդեն փորձ են կատարել հրաժարվել լատինատառ դոմենային գոտուց, ուրեմն ճիշտ կլինի, որ Հայաստանի Հանրապետությունը լրջագույնս մտածի այս ուղղությամբ։

Սա ազգային ինքնագիտակցության, մշակույթի ու քաղաքականության հարց է։

Հայկական մամուլում հաճախ են իսլամիստական առաջնորդներին «հոգևորական» կամ «եկեղեցական» կոչում։
Հարգելի՛ լրագրողներ, մզկիթները եկեղեցիներ չեն, այլապես եկեղեցին էլ կարելի կլիներ մզկիթ կոչել, իմամը եկեղեցական չի, ո՛չ էլ հոգևորական կամ քահանա։ Մի՛ շփոթեք։

Նույնիսկ Հայոց լեզվի ուսուցիչներ կան, ովքեր կողմ են օտարալեզու դպրոցներին։ Ո՛չ միայն կողմ են, այլև պատրաստ են իրենց զավակներին օտարալեզու դպրոց ուղարկել՝ գիտակցելով մեր լեզվի արժեքը, ավելին, մյուսների զավակներին ուսուցանելով հայերենի արժեքը։

Երևի թե այդ ուսուցիչներն են մեր զավակներին ներկայացնում մեծերի խոսքերը.

Մեր հազարամյա անցյալի այն երկար ճանապարհին, որի վրա փռված են մեր անհուն տառապանքները, ո՛չ բանակներ ունեինք մեր պաշտպանության համար, ո՛չ ուժ, ո՛չ հնրավորություն, ո՛չ էլ դրսի օգնություն, այլ մի հատիկ բան միայն` մեսրոպատառ գիրը:

Լեո

Շարունակել կարդալ Օտարալեզու դպրոցները Հայաստանում