Category: Մեր իրականությունը

Այն, որ Իսրայելում ծառերն են վառվում, Ավստրալիայում ջրհեղեղ է, Չինաստանում՝ ձնաբուք, մեզ մեր թանկագին լրատվամիջոցները անմիջապես զարմացած տեղեկացնում են։ Իսկ այն, որ Երևանի կողքին գտնվող երկու բնակավայրերը՝ Այնթապը և Նոր Խարբերդը արդեն երրորդ օրն է գազից զրկված են, և թե՝ ինչպե՞ս են իրենց հարցերը լուծում տեղի բնակիչները, ոչ ոքի կարծես չի հետաքրքրում, նույնիսկ լրատվամիջոցները չեն ցանկանում տեղեկացնել մարդկանց, թե ինչ է կատարվում։

Սա նրանից հին է. խոսքը Սա+նա+հին վանքի մասին է։

Նույնիսկ հնում Հաղպատ-Սանահին զուգահեռները եղել են, այլապես ինչո՞ւ պետք է Սանահինի անվանումը նման ծագումնաբանություն ունենար։ Բայց իսկապես, երբ այցելում ես Սանահին վանք, ակամայից ցանկանում ես շեշտել, որ սա Հաղպատից հին է։ Ճիշտ է, Հաղպատն ավելի մեծ տարածք ունի, եկեղեցիների խումբն ավելի շատ է, բայց ախր սա նրանից հին է…

Լքված թագուհի… Գուգարաց լեռների գլխին բազմած գգվում ես այցելուների զգացմունքներին ու դեպի քեզ ձգում՝ պարգևելով հայոց լեռների բույրն ու խաղաղաշունչ հանգստությունը։ Քո լեռների հետ, հիրավի, քրիստոնեական առաքինությամբ սեր ես տածում մարդկանց հանդեպ. համբերող ես, խոնարհ, լուռ, շռայլ սիրո մեջ, գգվող, հոգսաշատ, հոգատար, խաղաղասեր, ներում ես քեզ վիրավորողներին, անարգողներին, վնասողներին… Շարունակել կարդալ Լքված թագուհին

Լրագրողները մշակույթի նախարարից հետաքրքրվել են, թե ինչպես է նախարարը մեկնաբանում գրող Դերենիկ Դեմիրճյանի կիսանդրու թալանը: Ի պատասխան նախարար Պողոսյանը պատասխանել է. «Հասարակությունը պետք է մերժի նման երևույթները, հնարավոր չէ ամեն հուշաքարի մոտ մի պահակ կանգնեցնել, մարդու քաղաքակրթվածությունը պետք է այնքան բարձր լինի, որ մշակույթի նակատմամբ նման ոտնձգություն չանի»։

Աղբյուր` Panorama.am (http://www.panorama.am/am/culture/2010/11/22/hasmik-poxosyan/)

Մի՞թէ Հայաստանի Հանրապետությունը այնքան աղքատ է, որ չի կարող իր բաց երկնքի տակ գտնվող արժեքներին նայող տեսախցիկներ տեղադրել։

Եվ պետք չէ ամեն ինչ հասարակության վրա գցել։

Եթե հայկական հեուստաալիքները շարունակեն նույն հաճախականությամբ գովազդել և գովազդել ( = ցուցադրել հովանավորներին), ապա շատ շուտով իրենց հեռուստադիտողները կդադարեն օգտվել հեռուստացույցից՝ նախընտրելով միայն ինտերնետը։

Այո, մեր հեռուստաալիքները անգիտակցաբար խրախուսում են ինտերնետը, և լավ գովազդատուները պետք է իմանան, որ իրական լսարան հնարավոր է գտնել միայն ինտերնետում։

Միայն հայերը կարող են մտածել, որ ինչքան գովազդը շատ է, ուրեմն այդքան հեղինակավոր է այդ ալիքը։ Դա այդպես չէ։

Ըստ իս գովազդել և գովազդել ( = ցուցադրել հովանավորներին), կամ ընդմիջել եթեր հեռարձակվող ֆիլմը կամ հաղորդումը կարելի է 20 րոպեն մեկ անգամ, բայց 3 րոպեից ոչ ավել, այլապես տեղի է ունենում հեռուստալսարանի անխուսափելի կորուստ։

Եթե Դուք «ՍթարՔարտատեր» (այսպես են իրենք գրում) եք, ապա Դուք պարբերաբար էլ. նամակներ եք ստանում իրենցից։ Օրինակ այսպիսի բովանդակությամբ.

Dear StarCardholder,From November 18 till December 1, 2010, new promotions entitled HOLIDAY RUSH are being held in Star supermarkets chain.
Also, special New Year Fair is organized for holiday products. Please look through the promo-paper where the assortment under the promotions is listed.
Wishing you enjoyable shopping!
____________________________________________________________________________________

Հարգելի ՍթարՔարտատեր,

2010թ-ի նոյեմբերի 18-ից դեկտեմբերի 1-ն ընկած ժամանակահատվածում ՍԹԱՐ սուպերմարկետների ցանցում գործում Է ՆԱԽԱՏՈՆԱԿԱՆ ԱՆՑՈՒԴԱՐՁ ակցիան և հատուկ Ամանորյա տոնավաճառ տոնական ապրանքատեսակնու համար: Առաջարկում ենք ծանոթանալ ակցիայում ընդգրկված ապրանքատեսականուն:
Ցանկանում ենք հաճելի գնումներ:

Best regards

STAR Supermarkets chain
Raffi str. 111, Yerevan, 0064, Armenia
Tel. +374 10 74 24 13; +374 10 74 24 15
Fax: +374 10 74 34 71
URL: www.star.am

Ձեզ ուղղված նամակը սկսվում է անգլերեն՝ անկախ այն բանից՝ Դուք անգլերեն գիտեք, թե ոչ։ Երևի օտար լեզուների իմացությունը պարտադիր է ո՛չ միայն գիտության զարգացման համար, այլ նաև սուպերմարկետներից գնումներ կատարելու համար։

Հասցեն, ինչպես ՀՀ Կառավարության էլ. նամակներում է, միայն անգլերեն է։ Անշուշտ, հասցեն մեզ պետք չէ իմանալ։

Այս խառնալեզու նամակում 1/3-ը հայերեն է։ Մխիթարվենք եղածով։

Դե ինչ, այսքանից հետո մնում է միայն ասել՝ «Best regards» Սթարին։

Հայաստանի Արտաքին գործերի նախարարության սայթն էի այսօր նայում։

Հայերեն մտածող մարդի՛կ, եթե կարողանաք սայթի հասցեն կռահել, ապա կարելի է ձեզ պարգևատրել։

Ինչևէ, ահա այն՝ mfa.am, «մաֆիա» բառը եթե հիշեք, գուցե հետո կարողանաք տառերի որոշակի տեղափոխությամբ հիշել։

Ձևավորում, կարելի է ասել, սայթը չունի։

Առաջինը բացում է անգլերեն, որովհետև հայերին այն պետք չէ, իսկ եթե փորձեք հայերենի փոխել, ապա կուբիկ–ռուբիկների կհանդիպեք։

Ամենից զավեշտալին. Շարունակել կարդալ Հայաստանի Արտաքին գործերի նախարարություն

Աշխարհի աղբը տանդ մեջ. ավելի քաղաքակիրթ բառով՝ հեռուստացուց։

Սարսափելի է, երբ ընտանեկան անմիջականությունը կամ լռության իմաստությունը/կատարելությունը խախտվում է հեռուստացույցի անիմաստ ներկայությամբ:

Երբեմն թվում է, թե այդ գործիքի առաքելությունը լռությունը մեզանից օտարելն է։

Այս կյանքում ամեն ինչ վերածվել է մենաշնորհի. առևտուրը, գիտությունը, կրթությունը, երկիրը ղեկավարելը … ամեն ինչ։

Մեր դառը իրականությունն ավելի է դառնանում, երբ մի «մարդ» գալիս է ու քեզ ասում. «Էս իմ(ն) մենաշնորհն է(է)»։

Երբեմն՝ այսպես, երբեմն՝ այլ բառերով, երբեմն՝ ավելի գռեհիկ, երբեմն՝ ավելի բարեհամբույր, քաղաքավարի, դիվանագիտորեն … Արդյունքում իրենց ասելիքը մեկն է՝ «էս իմն է, դու էստեղ գործ չունես անելու, գնա էստեղից»։

Մեր իրականությունը շատ դառն է … Շարունակել կարդալ Մենաշնորհը

Անհավատալի է, բայց՝ փաստ. Սպիտակում սրճարան չկա։

Այս քաղաքում այդ երևույթը բարոյապես է մերժվել։