Ինտերնետային երևույթների մասին
Օրանժի ինտերնետը չի արդարացնում իրեն, ցավոք։
Որոշ ժամերի նույնիսկ գերդանդաղ կապ չեն ապահովում։
Պատճառը, անշուշտ, մեր դատական համակարգն է, որ հնարավորություն չի տալիս բազմահազար բաժանորդներին բողոքարկել անորակ կապի համար, կամ չեն կասեցնում պայմանագրերի այնպիսի ձևակերպումը, երբ բաժանորդը ստիպված է լինում մի ամբողջ տարի համակերպվել անորակ կապի հետ՝ այսպիսով մեկ տարի հետ մղելով կապի ոլորտի զարգացումը Հայաստանում։
Դեկտեմբերի 21-ին, շատ մեծ ուշացումով և, ցավոք, որոշակի ակնառու լեզվական սխալներով, բայց ի վերջո circle.am-ը տեսանք հայերեն։
Շնորհակալություն Circle-ին, որ ի վերջո հայերենացրին այդ սայթը։
Հետո նրանք գրեցին, որ սայթերի պատասխանատուները գրեն իրենց սայթերի հայերեն անվանումն ու նկարագրությունը։
Անցել է մեկ շաբաթ, որը ինտերնետի համար հսկայական ժամանակահատված է, բայց, ինչպես տեսնում ենք այս նկարում, ինտերնետի առաջատար 15 սայթերից և ոչ մեկին չի հետաքրքրում իրենց սայթերի հայերեն անվանումն ու նկարագրությունը։
Ահա այսքան անտարբեր են ինտերնետի առաջատար սայթերը հայերենի նկատմամբ։
2010 թվականին Հայաստանում մեծացել է ինտերնետ օգտագործողների թիվը։ Ոմանք սա հասկացան որպես տեղեկատվական տեխնոլոգիաների զարգացում Հայաստանում։
Իսկ ի՞նչ է ասում այս մասին Գուգլը։
Այսպիսով, 2010 թվականին Գուգլի միջոցով Հայաստանից ամենից շատ հետաքրքրվել են. Շարունակել կարդալ Տեղեկատվական տեխնոլոգիաների կիրառումը
«Բիլայնում տեղյակ չեն, թե ինչ ծառայություն են վաճառում»
Ավելի մանրամասն՝ այստեղ. http://www.panorama.am/am/economy/2010/12/27/tataevik-pirumyan/
Նմանատիպ իրավիճակ եղավ ինձ հետ 1,5 տարի առաջ, երբ փոխում էի «հայլայնի» ծառայությունը։ Ի՞նչ էր կատարվում. գրասենյակում սեփականության վկայական էին պահանջում, իսկ զանգով պատվիրելու դեպքում՝ միայն անձնագրի պատճեն։ Պատվիրեցինք հեռախոսով։ Դրանից հետո էլ, երբ օգտագործում էի Հայլայնը, որը շատ վատն էր, իրենց գրասենյակում շարունակում էին այլ թղթեր պահանջել։
Եթերից զրկեցին ներկայումս օրական 10.000-ից ավել լսարանի համար եթեր հեռարձակող ընկերությանը։ Սա նշանակում է, որ a1+ի լսարանը մեծանալու է։
Կեղծիքի համար կարելի էր տույժեր կիրառել, բայց…
Մամուլը հնարավոր չէ լռեցնել, մամուլի հետ պետք է աշխատել։
Մարդու բերանը չի կարելի փակել, որովհետև նա կսկսի ավելի շատ խոսել։
Շվեյցարական PostFinance փոստի դուստր ձեռնարկությունը փակել է WikiLeaks կայքի հիմնադիր Ջուլիան Ասանջի հաշիվը:
…
Նշենք, որ ավելի վաղ WikiLeaks-ի սպասարկումը դադարեցրել էին Amazon.com, Paypal, and EveryDNS վճարային համակարգերը: PayPal-ի ներկայացուցիչները հայտարարել են, որ նման քայլի են գնացել, երբ ԱՄՆ իշխանությունները կայքի գործունեությունը համարել են անօրինական:
(http://news.am/arm/news/40679.html)
Աշխարհը դեռ շատ հեռու է՝ հասկանալու համար խոսքի և տեղեկատվության ազատության արժեքը։
… Ու դեռ շատ կշարունակվի ոտնահարվել Աստուծո կողմից մարդու մեջ դրված բնական իր իրավունքը։
Մարդուն ազատ արտահայտվելուց, տեղեկանալուց, այսինքն՝ խաբնված չլինելուց, ու խոսքից զրկելը դեմ է Աստուծո կամքին, որ բնականից արտահայտված է մարդու բնության մեջ ու կոչվում է բնական աստվածային իրավունք։
«ԱրմենՏել» ՓԲԸ (ապրանքանիշը` Beeline) հայտարարում է Երևան քաղաքի 61 և 62 անալոգային կայանների թվայնացման մեկնարկի մասին: Աշխատանքները նախատեսվում է ավարտել մինչև 2010թ. ավարտը, ինչը հնարավորություն կտա Երևանի ֆիքսված հեռախոսակապի բաժանորդների 98 տոկոսին ապահովել թվային կապով: (http://www.panorama.am/am/economy/2010/12/06/armentel/)
Գրողը տանի, կարելի էր մի 5 տարի էլ սպասել։
Չնայած եթե ՄԱԿ-ի 1997 թ. զարգացող երկրների համար ստեղծված freenet ծրագիրը այսօր Հայաստանում տեղեկատվական տեխնոլոգիաների ոլորտում մրցանակ է ստանում (armnetawards.am), ապա Բիլայնը կարող է թվայնացումը ավարտել 10 տարի հետո, որից 20 տարի հետո կարող ենք Բիլայնին շնորհակալական մրցանակ տալ։
Եթե դուք սիրում եք նկարների հետ աշխատել ու Ֆոտոշոպ ծրագիրը շատ թանկ է ձեզ համար, ինչպես նաև չեք ցանկանում կեղծված ծրագրեր օգտագործել, ապա այլընտրանք կա. կարող եք անվճար ձեռք բերել Gimp (http://www.gimp.org/):
Այն լիովին փոխարինում է թանկարժեք Ֆոտոշոպին։
Եթե հայկական հեուստաալիքները շարունակեն նույն հաճախականությամբ գովազդել և գովազդել ( = ցուցադրել հովանավորներին), ապա շատ շուտով իրենց հեռուստադիտողները կդադարեն օգտվել հեռուստացույցից՝ նախընտրելով միայն ինտերնետը։
Այո, մեր հեռուստաալիքները անգիտակցաբար խրախուսում են ինտերնետը, և լավ գովազդատուները պետք է իմանան, որ իրական լսարան հնարավոր է գտնել միայն ինտերնետում։
Միայն հայերը կարող են մտածել, որ ինչքան գովազդը շատ է, ուրեմն այդքան հեղինակավոր է այդ ալիքը։ Դա այդպես չէ։
Ըստ իս գովազդել և գովազդել ( = ցուցադրել հովանավորներին), կամ ընդմիջել եթեր հեռարձակվող ֆիլմը կամ հաղորդումը կարելի է 20 րոպեն մեկ անգամ, բայց 3 րոպեից ոչ ավել, այլապես տեղի է ունենում հեռուստալսարանի անխուսափելի կորուստ։
Եթե Դուք «ՍթարՔարտատեր» (այսպես են իրենք գրում) եք, ապա Դուք պարբերաբար էլ. նամակներ եք ստանում իրենցից։ Օրինակ այսպիսի բովանդակությամբ.
Dear StarCardholder,From November 18 till December 1, 2010, new promotions entitled HOLIDAY RUSH are being held in Star supermarkets chain.
Also, special New Year Fair is organized for holiday products. Please look through the promo-paper where the assortment under the promotions is listed.
Wishing you enjoyable shopping!
____________________________________________________________________________________Հարգելի ՍթարՔարտատեր,
2010թ-ի նոյեմբերի 18-ից դեկտեմբերի 1-ն ընկած ժամանակահատվածում ՍԹԱՐ սուպերմարկետների ցանցում գործում Է ՆԱԽԱՏՈՆԱԿԱՆ ԱՆՑՈՒԴԱՐՁ ակցիան և հատուկ Ամանորյա տոնավաճառ տոնական ապրանքատեսակնու համար: Առաջարկում ենք ծանոթանալ ակցիայում ընդգրկված ապրանքատեսականուն:
Ցանկանում ենք հաճելի գնումներ:Best regards
STAR Supermarkets chain
Raffi str. 111, Yerevan, 0064, Armenia
Tel. +374 10 74 24 13; +374 10 74 24 15
Fax: +374 10 74 34 71
URL: www.star.am
Ձեզ ուղղված նամակը սկսվում է անգլերեն՝ անկախ այն բանից՝ Դուք անգլերեն գիտեք, թե ոչ։ Երևի օտար լեզուների իմացությունը պարտադիր է ո՛չ միայն գիտության զարգացման համար, այլ նաև սուպերմարկետներից գնումներ կատարելու համար։
Հասցեն, ինչպես ՀՀ Կառավարության էլ. նամակներում է, միայն անգլերեն է։ Անշուշտ, հասցեն մեզ պետք չէ իմանալ։
Այս խառնալեզու նամակում 1/3-ը հայերեն է։ Մխիթարվենք եղածով։
Դե ինչ, այսքանից հետո մնում է միայն ասել՝ «Best regards» Սթարին։