Category: Ինտերնետ

Եթե դուք երբևէ բաժանորդագրվել եք ՀՀ Կառավարության սայթի նորություններին, ապա ձեր էլ. փոստին ուղարկվող հայերեն նամակի վերջում այս մեջբերումն է.

URL: …

If you received this e-mail by mistake or want to unsubscribe from mailing list, click here.

---

Staff of Government of the Republic of Armenia,
Government House 1, Republic Square,
Yerevan 0010, Armenia

http://www.gov.am/

Disclaimer — This message may contain information that is not intended for you.
If you are not the addressee or if this message was sent to you by mistake,

you are requested to inform the sender and delete the message.

Դե, բնականաբար, դուք անգլերեն պետք է լավ իմանաք, չէ որ Կառավարությունից է այս նամակը։ Հասցե՞ն։ Դե, մենք՝ հայերս ՀՀ Կառավարության տեղը գիտենք, մեզ հասցեն պետք չէ մտահոգի։

Մնացածն ում հետաքրքրում է, թող հարցնի, կասենք, ինչո՞ւ պիտի մարդկանցից տեղեկատվությունը թաքցնենք։

Ես ևս գրանցվեցի վեբ կայքերի համահայկական մրցանակաբաշխության սայթում։ Եթե հավանում եք մեր էջը, քվեարկեք այստեղ։

Ինչպես միշտ օտար բառերն ու բառակապակցությունները մեզանից անպակաս են։

Բաց գրանցման մեկնարկի առաջին իսկ օրը ռուսական ազգային .РФ գոտում գրանցված դոմենների ընդհանուր քանակը գերազանցել է բոլոր սպասումները: Միայն 12 ժամվա ընթացքում գրանցվել է 207 հազար 648 նոր դոմենային անուն:

Հիշեցնենք, որ ICANN միջազգային կազմակերպությունը պաշտոնապես հայտարարել էր ոչ լատինատառ դոմենների գործարկման մեկնարկի մասին անցյալ տարվա հոկտեմբերին: Առաջին պետությունները, որոնք ստացան հնարավորություն ունենալ այսպես կոչված «ազգային» դոմեններ, դրանք Եգիպտոսը, Սաուդյան Արաբիան և Միացյալ Արաբական Էմիրություններն էին: Այսօր արդեն ոչ լատինատառ դոմեններ հասանելի են նաև Հորդանանում, Քաթարում, Թաիլանդում, Շրի Լանկայում, Հոնգ Կոնգում, Պաղեստինում և մի շարք այլ երկրներում: Առաջին մակարդակի .рф կիրիլիկ դոմենը ICANN-ը թողարկել էր ապրիլին: Ինչ վերաբերում է Հայաստանին և այն հարցին, թե արդյոք մեզ անհրաժեշտ է ունենալ .ԱՄ, .ՀՀ կամ, ինչու ոչ, .ՀԱՅ դոմենային գոտի, եկեք համաձայնենք, որ մեզ .am դոմենների սպառում չի սպառնում և այն մեզ դեռևս բավարարում է:

armtech.am

Բնականաբար, եթե ռուսները մտահոգված են ինտերնետը ռուսականացնելու խնդրով (նկատի ունենանք, որ .ru գոտու դոմենները չէին սպառվել), ապա իրենց մոտ նման ակտիվությունը բնական է, իսկ հայկական գոտու մեռելային հանգստությունը պայմանավորված է հայերենի հանդեպ 100 տոկոսանոց անտարբերությամբ։

Դե մենք վաղուց ենք մոռացել, որ մայրենի լեզուն ազգային, մշակութային ինքնագիտակցության գրավականն է։ Մեզ համար հայերենը գրադարաններում փտող գրքերի մեջ է միայն։ Մեր լեզուն մենք ինքներս փորձում ենք պատմություն դարձնել։

Եթե Եգիպտոսը, Սաուդյան Արաբիան և Միացյալ Արաբական Էմիրությունները վաղուց արդեն փորձ են կատարել հրաժարվել լատինատառ դոմենային գոտուց, ուրեմն ճիշտ կլինի, որ Հայաստանի Հանրապետությունը լրջագույնս մտածի այս ուղղությամբ։

Սա ազգային ինքնագիտակցության, մշակույթի ու քաղաքականության հարց է։

Հայաստանի Արտաքին գործերի նախարարության սայթն էի այսօր նայում։

Հայերեն մտածող մարդի՛կ, եթե կարողանաք սայթի հասցեն կռահել, ապա կարելի է ձեզ պարգևատրել։

Ինչևէ, ահա այն՝ mfa.am, «մաֆիա» բառը եթե հիշեք, գուցե հետո կարողանաք տառերի որոշակի տեղափոխությամբ հիշել։

Ձևավորում, կարելի է ասել, սայթը չունի։

Առաջինը բացում է անգլերեն, որովհետև հայերին այն պետք չէ, իսկ եթե փորձեք հայերենի փոխել, ապա կուբիկ–ռուբիկների կհանդիպեք։

Ամենից զավեշտալին. Շարունակել կարդալ Հայաստանի Արտաքին գործերի նախարարություն

Հաճախ եմ լուրերին ինտերնետով հետևում և մի քանի սայթերը ինձ լիովին բավարարում են տեղեկացված լինելու համար։ Դրանցից մեկը այս պահին Panorama.am սայթն է։

Թեև շատ ակտիվ է Պանորաման, որը լավ է, սակայն վերջին շրջանում մի տեսակ վերածվել է հակաադրբեջանական սայթի։ Կարծես թե այլևս ոչինչ չկա անելու և պետք է միայն նրանց դեմ գրել։ Կարծում եմ հայ ընթերցողը այդքան էլ տարված չէ նրանց բացասական կողմերը բացահայտելու փափագով։ Մեզ մեր իրականությունն է հետաքրքրում և նրանց բարքերի մասին այդքան շատ պետք չէ մեզ ասել։ Երբեմն ընթերցողը հոգնում է ադրբեջանցիների մասին անընդհատ բացասական լրատվություն կարդալուց։

Ի վերջո, այս միտքս ցանկանում էի Պանորամայի աշխատակիցներին փոխանցել, սակայն պարզվեց, որ էլեկտրոնային այս աղբյուրին էլեկտրոնային տարբերակով գրելու հնարավորություն չկա։ Համենայն դեպս իրենք սայթում չեն նշել։