Հասարակական պոռթկում

Սոցիալական բևեռվածությունը հասարակական անկայունություն է ծնում, որը իր հերթին վերաճում է քաղաքական հակամարտության: Առաջացած բևեռվածությունը չմեղմելու դեպքում տեղի է ունենում հասարակական պոռթկում` տարատեսակ անկանխատեսելի հետևանքներով:

Հուշարձանների թալանը հնարավոր չէ՞ կանխել

Լրագրողները մշակույթի նախարարից հետաքրքրվել են, թե ինչպես է նախարարը մեկնաբանում գրող Դերենիկ Դեմիրճյանի կիսանդրու թալանը: Ի պատասխան նախարար Պողոսյանը պատասխանել է. «Հասարակությունը պետք է մերժի նման երևույթները, հնարավոր չէ ամեն հուշաքարի մոտ մի պահակ կանգնեցնել, մարդու քաղաքակրթվածությունը պետք է այնքան բարձր լինի, որ մշակույթի նակատմամբ նման ոտնձգություն չանի»։
Աղբյուր` Panorama.am (http://www.panorama.am/am/culture/2010/11/22/hasmik-poxosyan/)

Մի՞թէ Հայաստանի Հանրապետությունը այնքան աղքատ է, որ չի կարող իր բաց երկնքի տակ գտնվող արժեքներին նայող տեսախցիկներ տեղադրել։

Եվ պետք չէ ամեն ինչ հասարակության վրա գցել։

Անհատը և հասարակությունը

Այն միջավայրը կամ հասարակությունը, որտեղ անհատը երկրորդ պլան է մղված, ենթակա է ճահճացման և հաճախ մարդկային կյանքերի կործանման առիթ է։